“Boll ma” quhet kënga më e re nga Valdet Luka, një super projekt

Ka një zë mjaft të bukur e kur është puna te kêndimi live ai të kënaq shpirtin e bën mjaft atmosferë. Eshtë fjala për këngëtarin me origjinë nga Ulqini por që jeton në Amerikë Valdet Luka, i cili sapo ka publikuar projektin më të ri muzikor që mban titullin ” Boll ma”. Ai ka bashkëpunuar për muzikë dhe tekst me Valon Biba, ndërsa arranzhmani është realizuar në studion e hitbërësit Nexhat Mujovi-Wirusi. Kënga ka edhe një videoklip të përshtatur mjaft bukur realozuar në Shkodër nga produksioni Power Media. Artisti i cili merret me muzikë që nga viti 2001 duke nisur si muzikant e më pas nga 2006-ta si këngëtar. Valdeti është i fokuesuar kryesisht në gëzimet dhe ahengjet familjare dhe mjaft i kërkuar. Mësojmë se para verës ai do të sjellë një super bashkëpunim e deri atëherë lë të shijojmë këngën e tij të re e cila po pritet mjaft mirë dhe mund ta klikoni në linkun më poshtë.