Skuadra kampione e edicionit 2025-2026 në NBA do të vendoset me finale të shtatë. Indiana Pacers fitoi përballjen e gjashtë “play off” kundër Oklahoma City Thunder me rezultatin 108-91, duke barazuar 3-3 serinë e takimeve mes dy skuadrave.
Sa i përket ekipit kampion, tashmë gjithçka do të vendoset në ndeshjen e shtatë dhe të fundit. Dy skuadrat finaliste, që nuk priteshin të arrinin deri këtu në këtë fillimsezon, zhvilluan një tjetër ndeshje të bukur. Në shtëpinë e saj, Indiana nuk zhgënjeu dhe arriti të triumfojë bindshëm. Gjashtë basketbollistë të Pacers realizuan mbi 10 pikë në këtë sfidë, ku u dallua Toppin me 20. Për Oklahoman, Alexander Shai realizoi 21 pikë, por që nuk mjaftuan për të fituar.
Ndeshja e shtatë do të luhet në orët e para të mënfjesit të së hënës (02:00) në shtëpinë e Oklahomas. Skuadra e Thunder do të shfrytëzojë në maksimum faktorin fushë për t’u shpallur kampion për herë të parë në historinë e NBA. Të njëjtën gjë kërkon edhe Indiana, me të dyja ekipet që do të luajnë gjithçka në këtë përballje që vlen titullin.
