Sonte, kryetari i Komunës së Zhelinës, Blerim Sejdiu, së bashku me kryetarin e Shtabit Zgjedhor, Latif Arifi, u takuan me banorët e Uzurmishtit në një takim të hapur. Qytetarët diskutuan për projektet aktuale dhe ato që do të realizohen në të ardhmen.
Sejdiu theksoi rëndësinë e këtyre takimeve, duke i cilësuar si një mënyrë për të ndërtuar vizionin e zhvillimit të komunës mbi nevojat dhe idetë e qytetarëve.
Nga përmirësimi i rrugëve, infrastruktura dhe ujësjellësi, te projektet rinore, çdo iniciativë synon zhvillimin e qëndrueshëm të fshatit dhe të gjithë komunës.
“Uzurmishti ecën përpara sepse punët nuk ndalen. Bashkë i bëjmë realitet projektet e së ardhmes! , u shpreh Sejdiu, duke u angazhuar për vijimësinë e projekteve që përmirësojnë jetën e banorëve.
