Policia e Kosovës ka treguar detaje për vdekjen e djeshme në Podujevë. Në raportin 24 orësh, policia ka treguar se kjo vdekje ka ardhur si pasoj ë një aksidentit në mes një kamioni dhe një automjeti, ku pastaj kamioni ka goditur edhe shtatë vetura të parkuara.
Sipas policisë, drejtuesi i kamionit, shtetas i Serbisë, ka vdekur.
“Ka ndodhur një aksident trafiku në mes një kamioni dhe një automjeti, pastaj nga kamioni janë goditur edhe shtatë vetura të parkuara në të cilat janë shkaktuar dëme të konsiderueshme materiale. Si pasojë e aksidentit drejtuesi i kamionit mashkull -shtetas i Serbisë ka ndërruar jetë, vdekjen e të cilit e ka konstatuar mjeku kujdestar në vendin e ngjarjes”, është thënë në raportin 24- orësh të Policisë.
