Shkup, 21 Maj – Zjarrfikësit kanë arritur ta lokalizojnë zjarrin që përfshiu pasditen e sotme një pjesë të hotelit Bushi në Çarshinë e Vjetër të Shkupit.
Lajmin e ka konfirmuar komandanti i Brigadës së Zjarrfikësve, Xvonko Tomeski. Sipas informatave të Qendrës për Menaxhim me Kriza, në momentin kur ka shpërthyer zjarri në hotel ka pasur dasëm. Për shkak të numrit të madh të njerëzve që kanë qenë në hotel dhe se kanë thithur tym, është kërkuar intervenim nga ndihma e shpejtë.
