Humbja e muskujve, e njohur ndryshe si atrofia muskulore, është kur muskujt fillojnë të ‘shuhen’. Arsyeja kryesore për humbjen e muskujve është mungesa e aktivitetit fizik
Kjo ndodh kur një lëndim apo sëmundje e bën të pamundur për ju ta lëvizni dorën apo këmbën.
Gjithashtu humbje të muskujve mund të keni edhe nëse njëra gjymtyrë e juaja është më e vogël se tjetra, transmeton Telegrafi.
Megjithatë hulumtimet e fundit kanë treguar se dy produkte mund ta parandalojnë humbjen e muskujve.
Kjo do të thotë se ata të cilët janë të prirë të vuajnë nga humbja e muskujve, siç janë pleqtë, tani mund ta parandalojnë dobësimin muskulor duke i konsumuar këto dy ushqime: mollët dhe domatet e gjelbra.
Këto dy fruta të zakonshëm ndihmojnë në parandalimin e humbjes së muskujve.
Sipas studimeve, përbërësit e këtyre dy frutave ndikojnë në rritjen e dukshme të forcës dhe masës muskulore, ku masa rritet për 10 për qind, ndërsa forca për të paktën 30 për qind.
