GazetaMax
Lajme

Clinton përkujton udhëtimin e fundit me Albright në Kosovë

Albright, po kujtohet nga shumë figura të rëndësishme.
Ish-presidenti amerikan, Bill Clinton, ka shkruar për vdekjen e ish-sekretares së Shtetit, Madeleine Albright, duke kujtuar udhëtimin e fundit që ata të dy kishin bërë së bashku – në 20 vjetorin e shpalljes shtet të Kosovës.
“Pothuajse tre vjet më parë, ne bëmë udhëtimin e fundit së bashku për të festuar përvjetorin e 20-të të Pavarësisë së Kosovës, kur ata i dedikuan një statujë në qendër të Prishtinës. Ajo kishte një ditë shumë të lumtur atë ditë, që e meritonte”, ka shkruar Clinton në telegramin e ngushëllimit.
“Ajo e dinte se vendimet politike të Amerikës kishin fuqinë të bëjnë një ndryshim në jetën e njerëzve në mbarë botën, ajo e shihte punën e saj si një obligim dhe mundësi. Dhe ajo e bëri këtë për të arritur paqe, siguri, dhe prosperitet: duke e ndalur spastrimin etnik në Bosnjë dhe Kosovë: dhe duke mbështetur zgjerimin e NATO-s në Evropën Qendrore”, thuhet më tej në shkrimin e ish-presidentit.
“Hillary dhe unë gjithmonë do të jemi thellësisht mirënjohës për shoqërinë e mrekullueshme dhe këshillat të pagabueshme që ajo na dha gjatë këtyre viteve”.
Clinton dhe Albright ishin vendimtarë në ndërhyrjen e NATO-s në luftën në Kosovë, kur Serbia po bënte spastrim etnik ndaj popullatës shqiptare.

Related posts

Anketë e IHPSH: VMRO – 19,7%, LSDM 12.9%, BDI 6% dhe ASH 2.9%

Gazetamax.mk

17 vite pa Mulla Jakup Hasipin, patrioti dhe hoxha i njohur nga Sllupçani

Gazetamax.mk

Këtë javë do të mësohet cilat produkte do të lirohen, rryma nuk shtrenjtohet nga 1 janari

Gazetamax.mk