Mjaft me zgjedhjen gri e zi në skenën politike në Maqedoni! Është koha të bashkohemi në një koncept qytetar, tha kandidati për kryetar nga Lëvizja ZNAM nga Gjevgjelia Maksim Dimitrievski, i cili thotë se do t’i bashkojë të gjithë qytetarët dhe do të sjellë një të ardhme të ndritshme. Dimitrievski sot do të prezantojë programin me titull “Manifesti për Maqedoninë” në rajonin Ohër-Strugë.
“Qëllimi im, qëllimi ynë është që këta më të rinjtë t’i mbajmë këtu në Maqedoni. Qëllimi i këtyre koalicioneve të udhëhequra nga BDI, është që të sundojnë dhe t’i mbushin çantat me parat e popullit, të shtetit. Andaj ne nga ZNAM, me qytetarët e të gjithë Maqedonisë, me ata që po rrinin nëpër kafene, por edhe me ata që nuk na lejuan të hyjmë në qendrën e qytetit me autobus, do të fitojmë, së bashku”, tha Maksim Dimitrievski, kandidat për president, lëvizja ZNAM.
