Shkup, 24 dhjetor – Koalicioni për mbrojtje të fëmijëve mëson se nxënësit e klasës së gjashtë dhe të nëntë në shkollën “Luben Llape” në komunën e Aerodromit, javën e ardhshme do të duhet të vishen si gjinia e kundërt. Ata gjithashtu duhet të veshin edhe diçka që nuk do ta vishnin asnjëherë, pastaj duhet të vishen si ndonjë karakter i animuar, me ndonjë kostum formal si dhe me kapela e syze qesharake, informon Zhurnal.
Urdhërin apo propozimin për veshje të tillë e ka dhënë drejtoresha e shkollës, ndërsa kujdestaret i kanë përcjellë këto mesazhe nëpër viber grupet ku janë prindërit.
Gjatë gjithë kësaj jave fëmijët duhet të vishen me pesë kostume të ndryshme, ndërsa të mërkurën duhet të vishen si gjinia e kundërt, pra vajzat si djem e djemtë si vajza.
Ky kodeks ka shkaktuar revolt të madh te numri më i madh i prindërve. Ata ankohen se sipas cilës agjendë dhe programi po shpërndahet propagandë e tillë. Disa prej tyre ankohen se vallë fëmijët e tyre janë mjet për tallje, vallë po i dërgojnë për edukim apo për degjenerim. Ata dyshojnë se shkollat nuk po e kryejnë detyrën e tyre ndërsa fëmijëve po u jepen aktivitete pa lejen e prindërve./Zhurnal.mk
