Shkup, 16 tetor – Edicioni i shtatë i garës stafetore humanitare“Shtrije dorën 2022” për mbështetje të të sëmurëve me sëmundjen e rrallë Uillson do të mbahet sot prej orës 11 në skenën e re verore në parkun e qytetit (përballë kafenesë Marger). Pas një pauze prej dy viteve për shkak të pandemisë me Kovid-19, ngjarja sërish në vend të njejtë do t’i tubojë personat e sëmurë nga sëmundja e rrallë Uillson, mbështetësit e tyre dhe adhuruesit e rekreacionit.
“Me këtë ngjarje dëshirojmë t’u japim mbështetje të gjithë personave të cilët më shpesh, si pasojë e detektimit me jo me kohë, sëmundjet e rralla lanë pasoja të parikuperueshme, si dhe t’u shprehim respekt atyre të cilët shumë herët e kanë humbur jetën duke luftuar me to”, thonë nga Shoqata e qytetarëve për mbështetje të personave me sëmundje të rrallë – Uillson, që është organizuese e garës. Theksojnë se detektimi i hershëm është thelbësor në trajtimin e kësaj sëmundje dhe në sigurimin e jetës normale për pacientët.
Sëmundja Uillson shkakton çrregullim në metabolizëm që çon drejt shtresimit të bakrit në mëlçi, tru dhe sy, proces i cili zhvillohet gradualisht, me vite, para paraqitjes së simptomave të parë.
