Gashi takoi Vanhoutte, diskutohen zhvillimet e fundit në vend dhe rajon

Sot kisha kënaqësi ta takoj z. Peter Vanhoutte, ish-përfaqësues i lartë të Bashkimit Europian, i cili ka dhënë kontribut të jashtëzakonshëm për demokracinë e vendin tonë, si dhe për dizajnimin e të ardhmes europiane të Maqedonisë së Veriut.
Temë e diskutimit ishin zhvillimet e fundit në vend dhe rajon, ndërsa diskutuam edhe për situatën aktuale në konfliktin Rusi-Ukrainë
Meritat e z. Vanhoutte për reformat që duheshin ndërmarrë pas krizës së vitit 2015/2016, të cilat u trupëzuan edhe në Marrëveshjen e Përzhinës, janë kontributi real që ai e ka ofruar për demokratizimin e vendin tonë, për avancimin e sistemit të drejtësisë, për lirinë e mediave, si dhe për organizimin e zgjedhjeve kredibile.
Unë e falënderova për punën që ka bërë ai në vendin tonë, me shpresë se ndihma e tij për Maqedoninë e Veriut nuk do të mungojë as në të ardhmen.

Të fundit në përqindje