Inter optimist për rikthimin e Lukaku, marrëveshja pritet të mbyllet deri në fund të javës

Inter nuk po heqin dorë nga Romelu Lukaku.
Sulmuesi belg, Romelu Lukaku pritet të kthehet nga Chelsea te skuadra e Inter, pasi nuk e pëlqeu aventurën nën urdhrat e Thomas Tuchel.
Negociatat kishin stagnuar për pak qaste, por Inter ka rikthyer vetbesimin. Ata synojnë të mbyllin marrëveshjen deri në fund të javës.
Inter do të ofrojnë 7 milionë euro, plus shtesa të tjera, në një ofertë që tashmë veç është nisur.
‘Blutë’ kanë kërkuar për 10 milionë euro plus shtesa.
Marrëveshja nuk do të ketë klauzolë për obligim blerjeje.