GazetaMax
LAJME

Ky shtet hodhi bombat e para mbi Serbi më 24 mars 1999

Cili shtet hodhi bombat e para mbi Serbi dhe në çfarë ore filloi sulmi ajror i NATO-s më 24 mars 1999.
Më 24 mars 1999, rreth orës 20:00 të mbrëmjes NATO filloi fushatën e bombardimeve mbi caqet ushtarake e policore serbe. Bombat e para mbi Beograd i lëshuan aeroplanët e Forcave Ajrore Spanjolle të përcjella nga raketat e njohura si ‘Tomahawk’ që u shkrepën nga anijet luftarake dhe nëndetëset e stacionuara në Detin Adriatik, shkruan Gazeta Express.
Operacioni i Forcave Aleate siç u kodua operacioni nga Aleanca Veri-Atlantike, u udhëhoq nga Gjenerali amerikan, Wesley Clark dhe zgjati 78 ditë ditë për ta gjunjëzuar përfundimisht regjimin e Millosheviqit më 10 qershor 1999 kur edhe nënshkroi kapitullimin në Kumanovë.
Fushata ajrore e bombardimeve përfshiu 1 mijë avionë luftarakë që operonin nga baza ajrore Aviano në Itali, baza ajrore në Gjermani dhe nga Aeroplanmbajtësja e marinës amerikane “Theodore Roosevelt” e cila operonte në Detin Adriatik.
Gjatë 11 javëve të bombardimeve, u realizuan më shumë se 38 mijë fluturime duke përfshirë 10,484 sulme ajrore goditëse nga aleatët.
Fushata ajrore e NATO-s përfundoi me nënshkrimin e Marrëveshjes së Kumanovës, ku Serbia pranoi kapitullimin dhe filloi tërheqjen e trupave ushtarake nga Kosova.

Related posts

Siguria e ueb-faqeve të institucioneve shtetërore është proces i kushtueshëm, mungojnë ekspertë, trajnime dhe standarde

e-max

Forumi shqiptar: Malësia ka qenë gjithmonë gjeneratore e ndryshimeve, Lista “Pravim putem” do të pësojë disfatë më 5 mars

e-max

Kasami: Në afat sa më të shkurtër, bulevari Bllagoja Toska do të jetë në shërbim të qytetarëve

e-max