AC Milan dhe Juventus po i kushtojnë vëmendje situatës së Bryan Cristante pasi ai mund të largohet nga Roma këtë verë.
Sipas Calciomercato, Cristante dëshiron të qëndrojë te Roma dhe ai ka vlerësimin e trajnerit José Mourinho, por pavarësisht kësaj ai mund të paketojë valixhen dhe të ndryshojë klubin sepse ka ‘vështirësi të mëdha’ për të gjetur një marrëveshje për rinovimin e tij, përcjell ORAinfo.
Roma nuk është e interesuar të dyfishojë pagën e tij dhe për këtë arsye nuk mund të përjashtohet një shitje. Sevilla ka qenë e interesuar prej disa kohësh ndërsa javët e fundit janë regjistruar kontakte edhe me Milanin dhe Juventusin.
Cristante nuk është një prioritet për Milanin për momentin, por emri i tij duhet të merret parasysh pasi ai erdhi nga akademia e tyre, kështu që ai do të ishte i mirë për listën e skuadrës.
Bianconerët e pëlqejnë atë sepse është 27 vjeç, italian dhe do të ishte në dispozicion për rreth 15 milionë euro./ORAinfo/
