NP “Parkingu i Qytetit”-Shkup ka kryer përmirësimin dhe modifikimin e sistemit ekzistues të tarifimit të parkingut publik “Spitali i Qytetit”. Me mënyrën e re të pagesës për shërbimin, kartat e barkodit prej letre për një përdorim u zëvendësuan me kartela të reja pagesore elektronike magnetike, të cilat mund të përdoren disa herë.
Sistemi i ri i tarifimit futet në funksion të rritjes së funksionalitetit të parkingut, nga pikëpamja ekonomike, por edhe në interes të mbrojtjes së mjedisit.
Me kartat elektronike, ndërmarrja do të ketë kursime të konsiderueshme në kostot e letrës dhe printimit. Njëkohësisht, NP “Parkingu i Qytetit” – Shkup përpiqet dhe punon për përmirësimin e mjedisit jetësor duke reduktuar konsumin e panevojshëm të letrës, si dhe duke reduktuar gjenerimin e mbeturinave të letrës.
Kompania do të vazhdojë me zëvendësimin e kartave barkode prej letre me karta magnetike elektronike dhe në parkingje të tjera publike, duke u nisur nga i njëjti synim – prezantimi i metodave moderne, ekologjike dhe ekonomike të pagesës.
Me këtë, kompania konfirmon se është kompani me përgjegjësi sociale që vazhdon të punojë në përmirësimin e kushteve të shfrytëzuesve të shërbimeve të parkimit.
https://www.facebook.com/photo/?fbid=186047150713235&set=a.181860117798605
