GazetaMax
LAJME

Pritet shtrenjtimi i veturave

Kostoja e një makine të re në SHBA së shpejti mund të rritet me mijëra dollarë pasi disa metaleve të përdorura nga prodhuesit e automjeteve për të ndërtuar makina, si nikeli dhe paladiumi, u janë rritur çmimet.

Rritjet e çmimeve ka të ngjarë të godasë më së shumti automjetet elektrike, sipas S&P Global Mobility.

Kjo për shkak se nikeli përdoret për prodhimin e baterive që gjenden në Modelin Y të Tesla-s, Audi e-tron, Mercedes EQS dhe makina të tjera elektrike. Për shembull, çmimi për një EQS, i cili fillon nga 102,000 dollarë, pritet të rritet për 11,000 dollarë për shkak të çmimeve më të larta të metaleve, thanë studiuesit në S&P Global Mobility.

Kostot e automjeteve po rriten pasi inflacioni rrit çmimin e gjithçkaje, nga ushqimi dhe qiraja te veshmbathjet dhe pajisjet. Çmimet e konsumit në shkurt u rritën me një normë vjetore prej 7.9%, ka bërë të ditur të enjten Departamenti i Punës i SHBA, që shënon edhe ritmin më të shpejtë i inflacionit që nga viti 1982.

Çmimi për ons i palladiumit, i përdorur për prodhimin e konvertuesve katalitikë, e filloi muajin me 2,589 dollarë për ons dhe deri të enjten ishte rritur në 3,084 dollarë. Çmimi i nikelit u rrit nga 25,438 dollarë për ton më 1 mars në 48,211 dollarë të enjten.

Alumini gjithashtu pati një rritje rekord të çmimit të premten e kaluar, por që atëherë ka rënë përsëri në rreth 3,328 dollarë për ton.

Lufta në Ukrainë po rrit çmimet e metaleve pasi gjithnjë e më shumë kompani amerikane dhe evropiane ndërpresin lidhjet me bizneset ruse që prodhojnë alumin, nikel dhe paladium. Rusia është shtëpia e Norilsk Nickel, prodhuesi më i madh në botë i nikelit dhe paladiumit. Gjithsesi, 40% e materialeve metalike të përdorura nga prodhuesit e automjeteve vijnë nga firmat ruse.

Çmimet më të larta të metaleve, të kombinuara me mungesën globale të gjysmëpërçuesve gjatë pandemisë, po e bëjnë edhe më të vështirë shitjen e makinave për prodhuesit e automjeteve. Këta faktorë po krijojnë “presion në rritje të çmimit” për shumë prodhues automjetesh.

Related posts

Festat e fundvitit, MPB thirrje qytetarëve për kujdes

e-max

Fakiq: Të shkarkohen ministrat dhe drejtorët e institucioneve që nuk i kanë kryer obligimet

e-max

Garë stafetore humanitare “Shtrije dorën 2022” për personat me Uillson

e-max

Leave a Comment