GazetaMax
Lajme

Qerkini tregon pse ministrja Haxhiu u refuzua nga Thaçi e Veseli

Avokati tregon pse ministrja Haxhiu u refuzua nga Thaçi e Veseli.
Avokati Artan Qerkini ka treguar pse ministrja e Drejtësisë, Albulena Haxhiu u refuzua nga Hashim Thaçi dhe Kadri Veseli gjatë vizitës së saj në qendrën e paraburgimit në Hagë.
Qerkini në emisionin ‘Pressing’ në T7 tha se sipas informacioneve të tij, Hashim Thaçi dhe Kadri Veseli e ka refuzuar takimin me ministren Haxhiun për shkak të mos shpenzimit të orëve të vizitave.
“Veseli dhe Thaci sa e di që e kanë refuzuar takim in me arsyetimin se ata e kanë një fond të orëve brenda të cilëve do t’i takojnë vizitorët, e ata kanë vendosur që ato orë t’i shfrytëzojnë me anëtarët e familjes, që e ka edhe logjikën e vetë”, tha ai.
Po ashtu, Qerkini ka komentuar vizitën e ministres së Drejtësisë, Albulena Haxhiu në qendrën e paraburgimit në Hagë ku po qëndrojnë ish-komandantët e UÇK-së.
Ai tha se nuk është i informuar saktë për qëllimin e vizitës së Haxhiut, mirëpo thotë se ajo ka të drejtë të interesohet për kushtet e paraburgimit.
Sipas tij, kjo është e vetmja arsye pse ministrja Haxhiu ka vizituar Hagën.
“Nuk e di saktë qëllimin e vizitës, me gjasë qëllimi është të verifikohen kushtet që po mbahen të paraburgosurit.
Ministria ka të drejtë të interesohet për kushtet e paraburgimit, kjo është e vetmja arsye pse mund të shkojë ministrja, sepse në proces gjyqësor nuk mund të ketë ndikim. Mirëpo, e kam lexuar që ministrja ka shkuar me të vetmin qëllim që me i pa nga afër kushtet e paraburgimi”, tha Qerkini.

Related posts

Dy Dibrat kërkojnë platformë për zhvillimin e turizmit, mërgimtarët të interesuar për investime

Gazetamax.mk

Jolevski: Kryerja e procedurave disiplinore nuk i kufizon prokurorët që të kandidojnë për zgjedhje

Gazetamax.mk

Ndikimi rus në Ballkan, Abazoviq: Bideni mund të na shpëtojë

Gazetamax.mk