Qeveria sot kumtoi se në mbledhjen e fundit ka miratuar Planin Operativ për programet dhe masat aktive për punësime dhe shërbime në tregun e punës për vitin vijues 2022.
Sipas zëdhënësit të Qeverisë së RMV-së, Muamet Hoxha ky plan parasheh të përfshijë 14.685 persona, ndërsa për programet, masat dhe shërbimet për punësim janë paraparë mbi 1,8 miliardë denarë.
“ Mbështetje për krijimin e vendeve të punës dhe rritjen e punësimit personave të papunësuar, veçanërisht të rinjve, të papunëve afatgjatë dhe shfrytëzuesve të së drejtës për ndihmë financiare nga mbrojtja sociale, si dhe mbështetja për personat e papunësuar të cilëve u është ndërprerë punësimi gjatë krizës së shkaktuar nga pandemia me KOVID-19, gjegjësisht nga data 11.03. 2020,” u shprehë zëdhënësi qeveritar, Hoxha në konferencën për shtyp.
