GazetaMax
Lajme

Rexhepi priti në takim zëvendësministrin e jashtëm Dvorak: Të intesifikojmë bashkëpunimin me Republikën Çeke

Sot, zëvendës ministri i Transportit dhe Lidhjeve, Bekim Rexhepi pati takim zyrtar me zëvendës ministrin e punëve të jashtme të Republikës Çeke z. Martin Dvorak, i shoqëruar nga Ambasadori i Republikës Çeke në vendin tonë z. Jaroslav Ludva.

Me z. Dvorak diskutuam rreth intensifikimit të bashkpunimit në mes dy vendeve tona, në mes të kompanive tona vendore dhe atyre Çeke në projekte të ndryshme si në infrastrukturën rrugore, hekurudha, gazifikim theksoi Rexhepi.

Partneritete të tilla mund të sjellin investime të ndryshme të cilat mund të vënë në pah potencialin e vendit tonë në sfera të ndryshme. Ministria e Transportit dhe Lidhjeve është motori i ekonomisë lokale ku vetëm tani investojmë mbi 1 miliardë euro në infrastrukturën rrugore, hekurudha dhe gazifikim.

Qeveria e Republikës së Maqedonisë së Veriut dhe Ministria e Transportit dhe Lidhjeve janë fuqishëm të përkushtuar në mbështetjen e të gjithë investitorëve të huaj në vendin tonë, përfundoi Rexhepi.

Gjithashtu z. Dvorak theksoi edhe njëherë angazhimin e Republikës Çeke dhe përkrahjen e tyre të vazhdueshme në rrugëtimin e Republikës së Maqedonisë së Veriut drejt integrimit në Bashkimin Evropian.

Related posts

Mexhiti: Kam pasur ofertë të kthehem në BDI me arsyetim se Ali Ahmeti do të pensionohet, e kam refuzuar

Gazeta Max

Ruzhin: Nuk duhet të shqetësohemi për situatën në Kosovë, jemi anëtare e NATO-s

Gazeta Max

Pa ndryshimet kushtetuese, procesi i negociatave me BE-në ndërpritet

Gazeta Max