Sanksionet ndaj Abramovich

Kartat e kreditit të Chelseat janë ngrirë, duke e lënë klubin të përballet me shkatërrim financiar pasi qeveria sanksionoi Roman Abramovich, është thënë për The Times.

Qeveria e Mbretërisë së Bashkuar i dha dje Chelseat një licencë për të vazhduar aktivitetet e lidhura me futbollin pasi Abramovich, pronari i klubit të Premier League, u sanksionua për lidhjet e tij me Vladimir Putin, presidentin rus.

Burimet në klub kanë paralajmëruar se pavarësisht licencës, disa nga kartat e kreditit të korporatave të klubit janë ngrirë për shkak se bankat janë “në alarm ndaj rrezikut”.

“Liçenca e lejon klubin të vazhdojë me aktivitetet e përditshme, por bankat nuk kanë oreks rreziku për të”, tha një burim. “Ata kanë ngrirë disa nga kartat e kreditit të korporatave. Është më shumë presion mbi klubin”.

Mësohet se Barclaycard ka pezulluar përkohësisht llogarinë e tyre sepse nuk duan të zbulohen se janë në shkelje të licencës qeveritare. Chelsea shpreson që pasi banka të ketë njëfarë qartësie për situatën, ata do të zhbllokojnë kartat.

Një burim i lartë në Chelsea megjithatë konfirmoi se situata po shkaktonte shqetësim të madh. “Po e bën edhe më të vështirë kryerjen e operacioneve tona të përditshme”, shpjegoi burimi.

Zyrtarët e Stamford Bridge janë përfshirë në një ditë të dytë të bisedimeve me zyrtarë qeveritarë në një përpjekje për të rënë dakord për ndryshimet në disa prej kufizimeve të përfshira në licencë, përsëri sepse kjo po ndikon në të ardhurat operative të klubit. Chelsea është e shqetësuar se kufizimet mund t’i lënë shpejt në vështirësi financiare duke qenë se ata nuk kanë më akses në miliardat e Abramovich.

Të fundit në përqindje