Në degën e Sarajit u mbajt Kuvendi Zgjedhor në kuadër të përgatitjeve për Kongresin IX të Partia Demokratike Shqiptare.
Gjatë punimeve të kuvendit, kuvendarët zgjodhën delegatët që do ta përfaqësojnë degën e Sarajit në Kongresin IX të partisë, ndërsa u miratua edhe propozim-lista e anëtarëve për Kuvendin Qendror të PDSH-së.
Në këtë takim para të pranishmëve foli kryetari i Këshillit për Organizimin e Kongresit, Sali Ajdini, i cili theksoi rëndësinë e proceseve të brendshme organizative dhe nevojën për forcimin e mëtejshëm të partisë përmes unitetit, përgjegjësisë dhe angazhimit të secilit aktivist.
Ai vlerësoi se organizimi i kuvendeve zgjedhore nëpër degë paraqet një hap të rëndësishëm drejt konsolidimit të strukturave partiake dhe përgatitjeve për Kongresin IX të PDSH-së.
https://www.facebook.com/share/p/1GPXBakxdv/
