GazetaMax
Lajme

Seanca për ndryshimet kushtetuese/ Grubi: Vendi ynë nuk ka alternativë tjetër përveç integrimit në BE

Zëvendëskryeministri i parë, Artan Grubi përmes një statusi në faqen e tij zyrtare në Facebook ka apeluar edhe një herë deri tek të gjithë deputetët që të votojnë PËR ndryshimet kushtetuese dhe të kontribuojnë në rrugëtimin pro-europian të Maqedonisë së Veriut.

Grubi shton se vendi ynë nuk ka alternativë tjetër përveç anëtarësimit në Bashkimin Europian, synim ky i cili duhet të realizohet me sukses.

Statusi i plotë:

Nga sot në Kuvendin e Republikës së Maqedonisë së Veriut fillon kapitulli vendimtar i rrugëtimit tonë europian dhe se si do të shkruhet ai, kjo varet nga ne, a do të përshpejtojmë hapin për ta bërë realitet integrimin deri në vitin 2030 apo do të mbesim të izoluar në labirintet e pasigurisë dhe paparashikueshmërisë.

Të përzgjedhurit e popullit, deputetët e kësaj përbërje parlamentare kanë në dorë përgjegjësinë e madhe të ardhmërisë europiane, andaj i ftoj që të reflektojnë, të lënë anash agjendat e politikave të dëmshme ditore dhe njëzëri të votojnë për ndryshimet kushtetuese që nuk cenojnë dhe dëmtojnë askënd, përkundrazi përforcojnë themelet e demokracisë së vendit.

Nuk mund të ketë asnjë alibi, tani do të shihet gjithçka qartë, kush dëshiron Europën dhe progresin, e kush dëshiron destabilizimin dhe regresin.

Vendi ynë nuk ka alternativë tjetër përveç integrimit në Bashkimin Europian. Me apo pa dikënd ky synim i qytetarëve të vendit do të realizohet, është rrugë e pandalshme, por le të përkujdesemi tani që brezi i ardhshëm të na falënderojë për hapin e duhur në kohën e duhur.

Related posts

Fazliu: I punësova 38 shqiptarë në librat amë, falë mundit tim sot kemi zyra të hapura

Gazeta Max

Moti sot me vranësira dhe reshje të përkohshme shiu

Gazeta Max

Likova 20 vite pa transport publik: Komuna në procedura, qytetarët në hall, taksistët s’duan konkurrencë

Gazeta Max