Gjatë ditës së djeshme, ‘Le Parisien’ ka raportuar se kartoni i Neymar i është ofruar skuadrës së Manchester City, por këta të fundit kanë refuzuar të nisin negociatat.
Për një gjë të tillë është pyetur edhe trajneri i Manchester City, Pep Guardiola, i cili i ka vlerësuar të pavërteta këto zëra.
“Më vjen keq për ‘Le Parisien’, por nuk është e vërtetë. Më vjen keq për ta, sepse informacioni që kanë marrë ata është i gabuar”, ka thënë Guardiola.
“Neymar është një lojtar i shkëlqyer, dhe sipas informatave të mia edhe një djalë i mirë. Lëreni të shprehet në Paris. Man City bleu 150 lojtarë secilën verë dhe s’është e vërtetë. Më vjen keq për Neymar, sigurisht”, shtoi Pep.
Manchester City gjatë kësaj vere ka përforcuar skuadrën me Erling Haaland dhe Kalvin Phillips, por ka humbur Gabriel Jesus e Raheem Sterling. Zinchenko është në rrugë për t’u larguar po ashtu.
U tha se lojtari i është ofruar Cityt, Guardiola: Më vjen keq për Neymar
