Shkup, 8 nëntor – Kryetari i Kuvendit, Talat Xhaferi deklaroi se në takimin e sotëm të grupit për Rregullore të re në kuadër të procesit Zhan Mone, kryesisht, është shqyrtuar sjellja e ligjeve në procedurë të rregullt gjegjësisht nga neni 132 e andej. Xhaferi tha se më datë 2 këtë muaj e ka caktuar këtë takim dhe se ai paraprak është anuluar me kërkesë të VMRO-DPMNE-së.
“Ky grup i punës duhet të punojë në drejtim të arritjes së sa më shumë zgjidhjeve për Rregullore të konfirmuar konsensuale, e cila duhet të miratohet në dialogun e katërt Zhan Mone, i cili do të mbahet në formatin e vendosur me praninë e tre eurodeputetëve nga Parlamenti Evropian”, deklaroi Xhaferi.
Sot janë shqyrtuar nga neni 132 deri në 166 nga Rregullorja.
“Në fakt janë shqyrtuar nenet që parashikojnë procedurën për shqyrtimin e projektligjeve në procedurë të rregullt në leximin e parë dhe të dytë dhe propozimet dhe konsideratat e të pranishmëve kanë qenë në atë drejtim që afatet e parapara në një pjesë të neneve nga 132 deri në 166 duhet të saktësohet për sa i përket afatit në të cilin duhet të përfundojnë punimet në trupat punues dhe ka një alternativë si përjashtim në kuptimin që në rastet nëse trupat punues nuk i kryejnë detyrimet e tyre brenda afateve të parashikuara në Rregulloren”, deklaroi Xhaferi.
Sipas Xhaferit, intenca është të ketë zgjidhje me konsensus për Rregulloren. E shohim, tha ai, se kemi pengesë në punën e Kuvendit. Ai tha se mbështetja e KE-së përmes eurodeputetëve është të gjendet zgjidhje me konsensus.
“Çka do të thotë Plenumi varet nga puna e trupave punues dhe për këtë arsye në barazimet e reja ideja është të tejkalohet një situatë nëse trupi punues qëllimisht refuzon të kryejë punën që është përcaktuar me Rregulloren e punës dhe duhet të ketë alternativë. e cila dhe në cilën procedurë Kuvendi si organ ligjvënës të mund ta kryej funksionin e tij”, deklaroi Xhaferi.
Në takimin e sotëm të Grupit të Punës morën pjesë përfaqësues të të gjitha grupeve të deputetëve përveç i VMRO-DPMNE-së dhe partisë E Majta, si edhe këshilltarët profesorët Vllado Popovski dhe Jeton Shasivari.
Xhaferi tha se nuk e di arsyen pse VMRO-DPMNE-ja dhe e Majta nuk kanë marrë pjesë në mbledhjen e sotme, por të pranishëm kanë qenë disa këshilltarë të tyre të cilët kanë mbajtur shënime dhe do t’ua përcjellin atë që është diskutuar sot dhe se do të pajisen me shënime nga takimi i sotëm.
“Atë që e e kemi biseduar sot do t’ua prezantohet si reflektim dhe nëse duan të japin mendimet e tyre, do të mund ta bëjnë këtë me shkrim. Ideja është të mos shmanget pjesëmarrja e opozitës. Përfundimi është se ata nuk janë deklaruar për vazhdimin e takimit pasi u shty me kërkesën e tyre. Nuk munda ta lija në errësirë nëse do të më njoftonin apo jo dhe për këtë arsye u detyrova të thërras seancën e sotme”, tha kryetari i Kuvendit.
Grupi punues për pjesëmarrje në procesin Zhan Mone është themeluar me vendim të Kuvendit dhe në përbërje të tij janë nënkryetarët e Kuvendit, koordinatorët, zëvendëskoordinatorët e grupeve parlamentare dhe përfaqësuesit e partive politike të përfaqësuara në Parlamenti, i cili nuk është i organizuar në grupe parlamentare – nënkryetarët Misovski dhe Ismaili, koordinatorët dhe përfaqësuesit e grupeve parlamentare të LSDM-së, BDI-së, VMRO-DPMNE-së, NSDP-së, Alternativës dhe Aleancës për Shqiptarët, BESA-së dhe të Majtës dhe kryetar i Komisionit për çështje të rregullores, mandatit dhe imunitetit.
Takimet paraprake të punës janë mbajtur më 1 mars të vitit 2021, i dyti më 15 mars të vitit 2021, i treti ka qenë në formë të fundjavës së punës në Mavrovë më 7 dhe 8 maj të vitit 2022. Ky është takimi i katërt i këtij grupi të punës.
