Komuna e Butelit ka marrë vendim që të ndajë nga 15.000 denarë për secilin punëtor që ishte i angazhuar në terren gjatë përballjes me pasojat e motit të lig dhe ndihmoi qytetarët në momentet më të vështira. Lajmin e bëri të ditur kryetari i komunës, Darko Kostovski, duke theksuar se ky është një gjest mirënjohjeje për përkushtimin, sakrificën dhe punën e palodhur të tyre. Kostovski shprehu falënderim të veçantë edhe për Këshillin e Komunës së Butelit, i cili e mbështeti njëzëri këtë vendim. Sipas tij, punëtorët që qëndruan në vijën e parë gjatë fatkeqësisë meritojnë respekt dhe vlerësim konkret për kontributin e tyre në mbrojtjen e qytetarëve dhe rikthimin e normalitetit në komunë.