Ka vdekur portieri belg Miguel van Damme në moshën 28-vjeçare si pasojë e humbjes së betejes me leokiminë.
Van Damme u diagnostikua për herë të parë me sëmundjen gjatë një kontrolli mjekësor përpara sezonit 2016-17 dhe luftoi me guxim kundër sëmundjes për më shumë se pesë vjet.
Ndërkaq ai ka lënë pas një fëmijë të vogël dhe gruan e tij.
Pasi kanceri u kthye dy herë, Van Damme me trishtim u tha mbështetësve në shtator të vitit 2020 se ai ishte kthyer për herë të tretë dhe do të ishte i pashërueshëm.
Bashkëshortja e tij, Kyana Dobbelaere, bëri një postim prekës pas vdekjes së tij.
“E dashura jonë, babi u largua në ndeshjen e tij të fundit mbrëmë, një ndeshje që nuk mund të fitohet më”, shkroi ajo.
“Na la shumë ngadalë, por e bëre sërish në mënyrën tënde… shumë fort. Ti luftove si një luan. Ne jemi shumë mirënjohës për atë që keni qenë. Një shembull për shumë persona”.
“Më ke bërë të kuptoj se nuk ka gjë të tillë si të heqësh dorë, edhe nëse do të kishte vetëm një fije të vogël suksesi, herë pas here e kapërceje”.
“Pusho tani i dashur, ti ke më shumë se sa fitove, tani je i çliruar nga çdo dhimbje. Do të donim t’ju shihnim. Përqafim i madh nga dy vajzat e tua. Shihemi me vonë”, ka shtuar më tej Dobbelaere.
