Zaniolo në krye të listës së Juves për zëvendësimin e Dybalas
Juventusi është duke u përgatitur për jetën pa Paulo Dybalan, ndërsa e kanë shënjestruar Nicolo Zaniolon si zëvendësues potencial të tij.
‘La Joya’ pritet të mos e vazhdojë kontratën me Bianconerët duke i dhënë fund qëndrimit shtatëvjeçar te Zonja e Vjetër në verën që vjen.
Largimi i tij padyshim se do ta dobësojë sulmin e Massimiliano Allegrit, i cili është duke menduar për futbollistin që do ta zë vendin e numrit 10.
Siç raporton TuttoMercatoWeb, Juventusi e ka zgjedhur yllin e Romës si të parin në listën e zëvendësuesve potencialë të 28-vjeçarit.
Italiani 22 vjeçar ka kontratë me Giallorossët deri në vitin 2024 dhe nuk dëshiron ta zgjatë atë, ashtu që klubi kryeqytetas pritet ta nxjerrë në shitje në afatin e ardhshëm kalimtar.
Vlera e tanishme e Zaniolos në treg është rreth 40 milionë euro dhe Roma do ta pranonte një ofertë të tillë nga Bianconerët.
