Epidemiologu veterinar, profesor Kujtim Mersini, foli për praninë e gripit të shpendëve H5N5 në Shqipëri, duke qetësuar qytetarët se për konsumatorët rreziku është i ulët, por përhapja mund të shmanget.
“Gripi mund të përhapet, por duhet zbuluar sa më shpejt dhe të parandalohet për të zvogëluar shkallën e përhapjes te shpendët e buta. Ne duhet të jemi vigjilent për të kuptuar nëse gripi kalon te shpendët. Në përgjithësi gripi haset te shpendët e ujit, në vendgrumbullime të ujit, ose në rezervuare dhe më pas ata infektojnë shpendët e buta. Ka masa dhe veprime që duhen bërë për ta parandaluar këtë, por nuk ka preparazte mjekësore veterinare për të parandaluar përhapjen e gripit te shpendët.”,-u shpreh eksperti.