GazetaMax
Lajme

Në kufirin Kosovë-Serbi, policia serbe arreston dy persona

Serbët kanë vënë në pranga sot dy persona.
Dy persona janë arrestuar sot nga xhandarmëria serbe në fshatin Dabinovc të komunës së Podujevës, që gjendet afër kufirit Kosovë-Serbi.
Ministria e Punëve të Brendshme të Serbisë ka njoftuar se të arrestuarit janë G.M (2000) dhe N.M. (1969). Të njëjtit dyshohen për vjedhje të pyjeve.
“Policia ka arrestuar të dyshuarit në Dabinovc, ku në mënyrë të paligjshme kanë prerë pyllin dhe me këtë rast ka konfiskuar një traktor me rimorkio të punuar me dorë, të ngarkuar me dru zjarri dhe një sharrë elektrike me motor që të dyshuarit e kanë përdorur gjatë krimit”, thuhet në njoftim e MPB-së serbe.
Sipas MPB-së serbe, të dyshuarve u është caktuar masa e ndalimit deri në 48 orë dhe me kallëzim penal do të dërgohen në prokurorinë kompetente.

Related posts

Diabetikët dy muaj pa shirit për matjen e sheqerit

Gazeta Max

Hoxhaj: Krizat në rajon, dëshmi e kthimit të historisë për hegjemoninë serbe në Ballkan

Gazeta Max

Në Tabanoc vendoset tabela e parë për Shiritin e Gjelbër për Ballkanin e Hapur – ofrohet qarkullim i shpejtë për transportuesit

Gazeta Max