GazetaMax
Lajme

Seanca për ndryshimet kushtetuese/ Grubi: Vendi ynë nuk ka alternativë tjetër përveç integrimit në BE

Zëvendëskryeministri i parë, Artan Grubi përmes një statusi në faqen e tij zyrtare në Facebook ka apeluar edhe një herë deri tek të gjithë deputetët që të votojnë PËR ndryshimet kushtetuese dhe të kontribuojnë në rrugëtimin pro-europian të Maqedonisë së Veriut.

Grubi shton se vendi ynë nuk ka alternativë tjetër përveç anëtarësimit në Bashkimin Europian, synim ky i cili duhet të realizohet me sukses.

Statusi i plotë:

Nga sot në Kuvendin e Republikës së Maqedonisë së Veriut fillon kapitulli vendimtar i rrugëtimit tonë europian dhe se si do të shkruhet ai, kjo varet nga ne, a do të përshpejtojmë hapin për ta bërë realitet integrimin deri në vitin 2030 apo do të mbesim të izoluar në labirintet e pasigurisë dhe paparashikueshmërisë.

Të përzgjedhurit e popullit, deputetët e kësaj përbërje parlamentare kanë në dorë përgjegjësinë e madhe të ardhmërisë europiane, andaj i ftoj që të reflektojnë, të lënë anash agjendat e politikave të dëmshme ditore dhe njëzëri të votojnë për ndryshimet kushtetuese që nuk cenojnë dhe dëmtojnë askënd, përkundrazi përforcojnë themelet e demokracisë së vendit.

Nuk mund të ketë asnjë alibi, tani do të shihet gjithçka qartë, kush dëshiron Europën dhe progresin, e kush dëshiron destabilizimin dhe regresin.

Vendi ynë nuk ka alternativë tjetër përveç integrimit në Bashkimin Europian. Me apo pa dikënd ky synim i qytetarëve të vendit do të realizohet, është rrugë e pandalshme, por le të përkujdesemi tani që brezi i ardhshëm të na falënderojë për hapin e duhur në kohën e duhur.

Related posts

Shtyhet vizita e Cholletit në Ballkan

Gazetamax.mk

Deputetja e Lidhjes Demokratike të Kosovës (LDK), Vlora Dumoshi, ka njoftuar se Kosova është vendosur që të udhëheq në dy komisione në forumin politik Procesi i Bashkëpunimit të Evropës Juglindore (SEECP). Me anë të një postimi në rrjetin social Facebook, Dumoshi bëri të ditur se është zgjedhur unanimisht kryetare e Komisionit Qendror të SEECP për Arsim. “Jam e nderuar që unanimisht u zgjodha Kryetare e Komisionit Qendror të SEECP për Arsim”, ka thënë Dumoshi. Tutje, ajo ka shtuar se një delegacion nga Kuvendi i Kosovës është duke qëndruar në Budva të Malit të Zi, në kuadër të SCEEP. SCEEP synon bashkëpunim për paqen, sigurinë, stabilitetin, zhvillimin ekonomik, politik e shoqëror të gjithë vendeve të rajonit./Arbresh.info/

Gazetamax.mk

Grubi: Punët e mira dhe të arriturat e shqiptarëve në Maqedoninë e Veriut mbajnë vulën e BDI-së

Gazetamax.mk