Seriali ku luajti Zelenskyy bëhet ‘hit’, fansat kanë këtë kërkesë

Date:

Volodymyr Zelensky konsiderohet një hero nga njerëzit në mbarë botën, dhe ata janë më të magjepsur nga fakti që (jo aq) një komedian i zakonshëm ka marrë fronin e një vendi dhe tani po e mbron me guxim nga lufta. Shuma të mëdha parash po ofrohen sot për të blerë serialin që e “bëri” atë president.

Nëse në një moment ngritja politike e presidentit ukrainas dukej si skenar i një seriali, nuk është për t’u habitur – duke qenë se jeta e tij reale ndoqi të njëjtën rrugë.

Para se të merrte rolin e Presidentit të Ukrainës, Zelensky ishte pjesë e serialit humoristik “Servant of the People”, i cili filloi të transmetohej në vitin 2015. Seriali përshkruan jetën e një njeriu të zakonshëm, një profesor historie, i cili bëhet president i Ukrainës brenda natës. Roli u luajt nga Zelensky.

Që nga fillimi i pushtimit rus, stacioni i parë televiziv që bleu të drejtat e serialit – me vlerë rreth një milion euro – ka qenë Channel 4 britanik, dhe sipas të dhënave të tyre, më shumë se 100,000 njerëz e kanë parë Zelenskyn në rolin e tij.

Pas Britanisë, këtë e bënë Greqia dhe Polonia, dhe tani ofertat për blerjen e serialit kanë vërshuar një agjenci në Stokholm.

“Njerëzit në mbarë botën po kërkojnë të drejtat e serialit. Kemi shumë punë për të bërë”, tha Nicola Soderlund, bashkëpronar i Eccho Rights, i cili u takua me Zelenskyn 10 vjet më parë.

Skenat nga ‘trailer’-i zyrtar i serialit u bënë menjëherë hit në mesin e shikuesve, shumë pyesnin nëse Zelensky parashikonte në to se çfarë do të bënte si president në vitin 2022.

e-max
e-maxhttp://gazetamax.mk
www.gazetamax.mk

SHPËRNDAJE

TË FUNDIT

Lajme të ngjashme
Lajme

Brend i ri i grimit nga artisti shqiptar Ernesti

Ai është një nga artistët e grimit, ndër më...

Albiona Tasholli një asambleiste shembull, e guximshme dhe aktive

Albiona Tasholli,një asambleiste shembull në Komunën e Lipjanit,nga radhët...

Afrim Gashi: Rritja e shumicës ishte një fiasko e vërtetë

Procesi i rritjes së shumicës, ishte një fiasko e...

Njihuni me Krenarin e super projektit ” Mrena nates”

Ai është artisti i familjes e megjithëse që i...