Shqiptari 22 vjeçar që shkoi të luftojë për ushtrinë Ukrainase dhe i mbijetoi sulmit rus

Jetmiri Hyseni, një 22 vjeçar i lindur në Shqipëri dhe që jeton në Belgjikë i mbijetoi një sulmi rus në një qendër stërvitore për luftëtarët e huaj. Ai foli me Zërin e Amerikës pas sulmit ku u vranë 35 vetë dhe u plagosën 124 të tjerë.

I pyetur nga Zëri i Amerikës nëse kishte ardhur si luftëtar i huaj në Ukrainë ai u përgjigj se: “Nuk jemi ushtarak dhe nuk isha gjendur këtu më parë. Kemi ardhur grup ditën e premte dhe pas dy ditësh rusët sulmuan me 30 bomba. Të gjithë jemi të frikësuar, të stresuar. Kam qenë duke fjetur madje kam një foto kur shpërtheu bomba e parë. Nuk denim ku të shkonim ishte e frikshme” tha Jetmiri.

Një ditë më parë Rusia goditi baza ushtarake ukrainase pak kilometra larg Polonisë, një vend kyç për dërgimin e ndihmës ushtarake perëndimore për Ukrainën.

Zgjerimi i sulmeve të Rusisë ndaj objektivave të reja në Ukrainë pranë kufirit polak pasqyron zhgënjimin e saj në rritje lidhur me ritmet e sulmit, tha të dielën këshilltari i Shtëpisë së Bardhë për Sigurinë Kombëtare Jake Sullivan.

Të fundit në përqindje