Komuna e Butelit ka shpallur thirrje publike për ndarjen e 4 milionë denarëve nga buxheti komunal për financimin e aktiviteteve programore të klubeve sportive që veprojnë në territorin e komunës. Lajmin e bëri të ditur kryetari i Komunës së Butelit, Darko Kostovski, i cili njoftoi se thirrja publike është shpallur sot, më 23 korrik 2026, dhe se të gjitha klubet sportive të interesuara mund të aplikojnë nëse i plotësojnë kriteret e përcaktuara në konkurs. Sipas Kostovskit, investimi synon të forcojë zhvillimin e sportit lokal dhe të mbështesë klubet në realizimin e aktiviteteve të tyre gjatë vitit. Ai theksoi se Komuna e Butelit vazhdon të promovojë politika që mbështesin sportin, duke investuar vazhdimisht në zhvillimin e disiplinave të ndryshme sportive. Në këtë kontekst, Kostovski e cilësoi Butelin si komunën më sportive në Maqedoni, duke vënë në pah përkushtimin e pushtetit lokal për krijimin e kushteve më të mira për sportistët dhe klubet sportive.